ТАНИЛЦУУЛГА


---

"Хүүхдэд  хэрэгтэй зүйл бол
эд зүйл биш, харин томчууд
тэдний төлөө тавих
анхаарал юм"


МАРИА МОНТЕССОРИ

      Манай цэцэрлэг "Хүүхдийн инээмсэглэл - Бидний зорилго" гэсэн уриатайгаар 2007 онд үүдээ нээсэн юм. Хүүхэд тоглох, зохистой хооллох, амрах, өөрийгөө хөгжүүлэх, бие даан суралцах бүх талын нөхцөл бололцоо болон монтессорийн арга зүйн сургалтын материал, хэрэглэгдэхүүнээр хангагдсан.   4  бүлэгт 2-5 насны хүүхдүүдийг хөгжүүлж, төлөвшүүлж байна. "Миний гэр" цэцэрлэгийн анги зохион байгуулалт, өдрийн дэглэм, хүүхэд ба эцэг эхчүүдийн дунд явуулдаг үйл ажиллагаа нь Олон Улсын Монтессорийн онол, арга зүй дээр тулгуурлан явагддаг.

Монтессорийн сургалтын арга зүй нь хүүхдийн хөгжлийг дэмжин, чөлөөт сонголтод тулгуурлан явагддаг тул хүүхэд хийж буй зүйлдээ чин сэтгэлээсээ хандаж, баяр баясгалантай оролцдог давуу талтай. Энэ нь хүүхдэд өөрийн хүсэж байгаа зүйлийг бие даан хийх хүсэл эрмэлзлийг төрүүлж өөртөө итгэх итгэлтэй болгодог.

Монтессори багш: Монтессорийн чиглүүлэгч багш, хүүхдийн сэтгэл судлаач Д.Дэмбэрэл эрхлэгчээр ахлуулсан 15  багш, ажилчидтай. Монтессори арга зүйн Олон Улсын багшлах эрхтэй, мэргэжлийн ур чадвартай багш нар үйл ажиллагааг чиглүүлэн явуулж байна. Манай цэцэрлэг нь Олон Улсын Монтессори Холбооны гишүүн бөгөөд энэ жилийн Олон Улсын Монтессори Холбооны хуралд манай цэцэрлэгийн эрхлэгч оролцлоо... Дэлгэрэнгүй

Манай цэцэрлэг "Интерактив" ХХК-тай хамтран "Цахим цэцэрлэгийн систем"-ийг 2012 оноос эхлэн амжилттай нэвтрүүлэн хэрэгжүүлж байна.


Бид хүүхдийг ...

• Сурах урам зоригтой: Хүүхэд аливаа зүйлийн тухай мэдэх эрмэлзэл дүүрэн, зурах бичих, урлан бүтээх үйлийнхээ тусламжтайгаар бүтээлчээр сэтгэх чадвартай болох, бусад хүмүүсийн шахалт дарамтаар бус өөрөө хүсэж шинэ зүйлийг  сонирхлын дагуу сурдаг.
• Шинийг мэдэх эрмэлзэлтэй: Орчноо байнга сонирхож, шинэ сонирхол татсан зүйлийг соргогоор мэдэрч, хүрч мэдрэх хийх хүсэлтэй . Сониуч зан бол аливааг сурах эхлэл бөгөөд сонирхол татсан зүйлээ мэдэхийн тулд өөрөө мэрийх ба бид дэмжиж ажилладаг.
• Өөртөө итгэлтэй: Аливааг хийхдээ урамтай, “Би чадна” гэсэн итгэл дүүрэн, чадахгүй бол багш, найз нөхөд тусална гэсэн итгэлтэй, бусад хүмүүс өөрийг нь хүндэтгэдэг гэдгийг мэдэрсэн байдаг.
• Хүмүүжилтэй: Мэндлэх, уучлал гуйх, өөрийн ээлжийг хүлээдэг, бусдын анхааралтай сонсдог, дүрэм журам баримталдаг, эмх цэгцтэй, хүнлэг, бусдад халамжтай, дуулгавартай, хувийн сахилга баттай.
• Асуудал шийдвэрлэх чадвартай: Юмсын учир зүй, шалтгааныг ойлгож, асуудлыг бие даан шийдвэрлэх, зөв шийдвэр гаргадаг, өөрөө аливааг хийх санаачилгатай болно.
• Хүнлэг халамжтай: Хүүхэд бусадтай өөрт байгаа зүйлээ хуваалцаж сурах, бусдын төлөө санаа тавьдаг, бусдыг хайрлан халамжлахыг өөрийн  орчноосоо суралцаж байдаг. Үүнд тайлбарлан ойлгуулах, худал амлалт өгөхгүй байх, бусадтай харьцуулахгүй байх, сэтгэлээ хуваалцах, асуудлыг өөрөө шийдэж чадахгүй үедээ бусдаас тусламж авах, үг хэлээр ойлголцох нь чухал гэдгийг багш ба эцэг эх нь өөрийн биеэр үлгэрлэх, шударга байхыг эрхэмлэх
• Анхаарлаа төвлөрүүлэх чадвартай: Өөрийн сонгосон ажлаа эхнээс нь дуустал хийдэг, бусдад саад болдоггүй, авсан зүйлээ байранд хураадаг, өөрийн хийж буй зүйлд анхаарлаа дайчлан тогтвортой сууж сурсан.
• Бодит байдлыг эргэцүүлэх чадвартай:  Аливаад өөрийн дүгнэлт хийдэг, болно ба болохгүйг мэддэг, учир шалтгааныг тайлбарладаг
• Цагийн мэдрэмжтэй болох: Багаас цаг баримталж сурснаар бүх зүйлийг цаг хугацаанд нь амжуулах эрмэлзэлтэй болох ба аливаа зүйлийг тогтсон цагт хийж амжуулахын тулд хурдан сэтгэх, бодох, хийх, нэгээс нөгөөд шилжихэд хугацаа бага зарцуулах байдлаар хувийн сахилга батыг өөрөө бий болгож сурна. Үүнд багш, эцэг эх нь яг цагт нь төлөвлөсөн зүйлээ хамтран хийхэд хүүхдэд туслах
• Сонголт хийх чадвартай:  Хүүхэд аливаа зүйлийн тухай мэдэх эрмэлзэл дүүрэн, зурах бичих, урлан бүтээх үйлийнхээ тусламжтайгаар бүтээлчээр сэтгэх чадвартай болох, бусад хүмүүсийн шахалт дарамтаар бус өөрөө хүсэж шинэ зүйлийг  сонирхлын дагуу сурдаг.: Сургалтын хэрэглэгдэхүүн, өөрийн хийх ажлаа сонголт хийдэг, хэзээ юу хийхээ төлөвлөн сонголт хийдэг гэх мэт  чадваруудыг Монтессори сургалтын аргад тулгуурлан хүүхдэд төлөвшүүлэхийг бид зорин ажиллаж байна.

                                                                
                                                                                           

СУРГАЛТЫН ХӨТӨЛБӨР, ЗОХИОН БАЙГУУЛАЛТ:

Монгол улсын сургуулийн өмнөх боловсролын сургалтын ЦӨМ хөтөлбөрийн хүрээнд өөрийн цэцэрлэгийн сурган хүмүүжүүлэх үзэл баримтлалд суурилан сургалтын хөтөлбөрөө боловсруулсан.

Хэл яриа харилцаа

Сонсох, Ярих, Унших бэлтгэл, Дүрслэн бичих , Үе тэнгийнхэн болон Насанд хүрэгчидтэй харилцах харилцаа, Сэтгэлийн хөдөлгөөнөө илэрхийлэх

Математикийн энгийн
төсөөлөл

Тоо тоолол, Орон зайн төсөөлөл, Цаг хугацааны төсөөлөл, Хэмжигдэхүүн, Хэлбэр дүрс, Харьцуулан жиших, Ангилан ялгах

Хөдөлгөөн эрүүл мэнд

Өглөөний гимнастик, Алжаал тайлах дасгал, Аялал зугаалга, Чийрэгжүүлэх ажил, Хөдөлгөөнт тоглоом, Биеийн тамирын өдөрлөг, Ариун цэврийг сахина, Аюул ослоос урьдчилан сэргийлнэ

Урлаг уран сайхан

Дуулах, Бүжиглэх, Жүжиглэх, Хөгжимдөх, Урлан бүтээх /зурах, барих, наах/

Байгаль, нийгмийн
тухай төсөөлөл

Хүрээлэн байгаа орчны тухай мэдлэг, Юмсын шинж чанар, төрөл зүйлийн тухай ойлголт

МОНТЕССОРИ СУРГАЛТЫН АРГА ЗҮЙ:

     - Монтессори сургалтын орчин
     - Монтессори сургалтын хэрэглэгдэхүүн
     - Монтессори багш


ҮЙЛ АЖИЛЛАГААНЫ ХУВААРЬ:

      Xичээлийн жил:            2015.08.03 – 2016.05.27
      Даваа Баасан гариг:
                   Өглөө ирэх:     08:00 - 09:00
                    Орой авах:     17:00 – 18:00

СОНГОН СУРАЛЦАХ ДУГУЙЛАН:

     - Англи хэл
     - Бүжиг
     - Шатар


ЦЭЦЭРЛЭГИЙН БҮЛЭГ:

     - Бага бүлэг    
     - Дунд бүлэг                  
     - Ахлах бүлэг   
     - Бэлтгэл бүлэг

---